கல்வி அறிவை வழங்கும் இந்தப் புனிதப் பணியில் நாமும் இணைவோம். ஸதக்கத்துன் ஜாரியா என்ற நிரந்தர தர்மத்தின் பலனை அடைவோம். அல்லாஹ்வின் அருளைப் பெறுவோம்.

பாப்புலர் ஃபிரண்ட் ஆஃப் இந்தியா மாநில தலைமையகம் இவ்வாறு தனது அறிக்கையில் தெரிவித்துள்ளது.

குஜராத்தின் வளர்ச்சிக்கு முதல்வர் நரேந்திர மோடி தான் முழுமையாக காரணம் என்று பலரும் கூறிக் கொண்டிருக்கிறார்கள். ஆனால் இது உண்மை அல்ல என்பதை புள்ளி விவரங்களின் அடிப் படையில் பார்த்தால் தெளிவாகப் புரியும்.

1994-95 இல் குஜராத்தின் வளர்ச்சி 13.2 விழுக்காடாகவும், 1994 முதல் 2001 வரை யிலான சராசரி வளர்ச்சி 10 . 13 விழுக்காடாகவும் இருக்கும் போது மோடி முதல்வராக இருக்கவில்லை. 1999 இல்தான் அவர் முதல்வரானார்.
1990 இல் குஜராத் இந்தியாவின் முதல் மூன்று மாநிலங்களில் ஒன்றாக இருந்தது. 1960 இம்மாநிலம் உருவாக்கப் பட்டபோது எட்டாவது இடத்தில் இருந்த குஜராத் 20 ஆண்டு கால காங்கிரஸ் ஆட்சியில் மூன்றாவது இடத்திற்கு வந்தது.
மின்உற்பத்திக்குத் தேவையான கட்டுமானங்களில் 35 விழுக்காடு 1995-2000த்துக்கும் இடைப்பட்ட காலத்தில் காங்கிரஸ் ஆட்சியில் உருவாக்கப்பட்டது.
நாட்டின் பெட்ரோலியப் பொருள்களின் தயாரிப்பில் 49 விழுக்காடு குஜராத்தில் இருக்கிறது. நாட்டின் மிகப் பெரிய துறைமுகமான பவநகரும், மிகப் பெரிய ரிலையன்ஸ் எண்ணெய் சுத்திகரிப்பு நிறுவனம் உள்ள ஜாம்நகரும் குஜராத்தில் தான் உள்ளன. இந்தியாவின் சோடா உப்பு தயாரிப்பில் 90 விழுக்காடு குஜராத்தில்தான் உற்பத்தி செய்யப்படுகிறது.

இவை அனைத்துமே குஜராத் முதலமைச்சராக நரேந்திர மோடி வருவதற்கு முன்பே இருந்தவைதான்.
குஜராத் மாநிலம் இன்று வளமாக இருப்பதாகக் கூறுவதில் என்ன வியப்பு இருக்க முடியும்?
வழக்கமான முன்னேற்றத்திற்கிடையேயும் குஜராத்தின் தொழிலாளர்களில் 93 விழுக்காட்டினர் முறைசாராத் துறைகளில் பணியாற்றுபவர்களாகவே உள்ளனர்.
அதனால், வெறும் பொருளாதார வளர்ச்சியைக் கொண்டு மட்டுமே மக்களின் வாழ்க்கை மேம்பட்டு விட்டதாகக் கூற முடியாது.

மனித வள மேம்பாட்டுக் குறி யீட்டில் 2003-04 இல் குஜராத் ஒரு இடம் பின்தங்கி இன்று கேரளா, பஞ்சாப், தமிழ் நாடு, மகாராஷ்டிரா, கர்நாடகா மாநிலங்களுக்குக் கீழே உள்ளது. கிராமப்புற வளர்ச்சியில் அய்ந்தாவது இடத்தில் இருக்கும் குஜராத் முதலிடத்தில் உள்ள பஞ்சாபை விட பின் தங்கியே உள்ளது.
தேசிய வேலை வாய்ப்பு உறுதித் திட்டத்தின் கீழ் மற்ற மாநிலங்கள் பெறும் தொகையில் பாதி அளவைத்தான் குஜராத் பெறுகிறது.

அண்மையில் பா.ஜ.க.வை விட்டு விலகிய உத்தரப் பிரதேச முன்னாள் முதல்வர் கல்யாண்சிங்தான் இத்தகவலை வெளியிட்டார் என்பது கவனிக்கத் தகுந்தது.
2005 இல் நடத்தப்பட்ட செயலாற்றல் மிக்க குஜராத் கண்காட்சியின் ஆலோசகர்களான எர்னஸ்ட் அண்ட் யங் எனும் நிறுவனம், மாநிலங்களில் செய்யப்படும் முதலீடுகளைப் பொறுத்த வரை, கேரளா, மகாராஷ்டிரா, தமிழ்நாடு மாநிலங்கனை விட குஜராத் பின்தங்கியும், கர்நாடகாவுக்கு இணையாக இருப்பதாகவும் தெரிவித்துள்ளது.

தொழிலாளர் தரத்தைப் பொறுத்தமட்டில், அதே நிறுவனம் குஜராத்துக்கு வெறும் பி கிரேட் தந்துள்ளது. பல நிபந்தனைகள் நிறை வேற்றப்படவில்லை என்பதே இதன் காரணம்.
1996 இல் ஆசிய வளர்ச்சி வங்கி குஜராத்தை முதலீட்டு விஷயத்தில் இரண்டாவது இடத்தில் வைத்திருந்தது. 2005 இல் குஜராத் அய்ந்தாவது இடத்தில் வைக்கப்பட்டுள்ளது.
ஏற்கனவே குஜராத் முன் னிலையில் இருக்கும் போது, நரேந்திர மோடிதான் அதனை முன்னிலைப்படுத்தினார் என்று கூறுவதன் காரணம் என்ன?

மோடியிடம் போலிப் புள்ளி விவரங்கள், கணக்குகள் காட்டும் திறமை அதிகமாக இருந்தது என்பதால் இந்த உண்மை மக்களின் கண்களுக்குத் தெரியாது.
குஜராத்தின் கவுரவம் என்னும் உணர்ச்சியை மிகவும் தந்திரமாக மோடி தூண்டிவிட்டார். இதனால் குஜராத்தின் வளர்ச்சி விகிதத்தைப் பற்றி எவருமே கவலைப்படவில்லை.
தனிப்பட்ட முறையில் திறமை மிகுந்த நிர்வாகி என்று மோடி காட்டிக் கொண்டது தான் பல இந்திய நிறுவனங்களைக் கவர்ந்தது.

தரப்பட்டியலில் குஜராத் கீழே இறங்குவதைப் பற்றியும் அவர்கள் சிந்திக்கவே செய்தார்கள்.
ஆனால் அவர் ளுக்கு வேண்டியது எல்லாம் மோடியின் வேகமான செயல் பாடு மட்டுமே. நானோ கார் தயாரிப்புக்கு மோடி பாதுகாப்பு மட்டும் கொடுக்கவில்லை; மூன்றே மாதங்களில் தேவையான பர்மிட்டுகளை மோடி தயார் செய்து ரத்தன் டாடாவுக்குக் கொடுத்தார்.

இது இதற்கு முன் எப்போதுமே கேள்விப்படாதது ஆகும். சட்டத்தைத் தன் விருப்பம் போல் வளைக்க இயன்ற மனிதர் ஒருவர் இங்கே இருக்கிறார்; ஆனால் என்ன - ஒன்று, அவருக்கு உங்களைப் பிடித்திருக்க வேண்டும்.
தனியார் முதலீட்டை மோடி வரவேற்றபோது, பெரிய, சிறிய நிறுவனங்கள் அவர் பக்கம் ஓடின.
அரசியல் வாதிகளின் ஆதரவும், பாதுகாப்பும் தேடுவது என்ற இந்திய நிறுவனங்களின் மனப்பான்மை ஒன்றுதான் பொருளாதார தாராளமய மாக்கலின் தாக்கத்திலிருந்து தப்பியதாகும்.

செய்வது அனைத்தையும் வேகத்துடன் செய்வது என்ற மோடியின் வழியே முதலீட்டாளர்களைக் கவர்ந்தது. மோடியை இந்தியாவின் எதிர்காலப் பிரத மராகவே அனில் அம்பானி காணத் தொடங்கிவிட்டார். அவரைத் தொடர்ந்து சுனில் மிட்டலும் மற்றவர்களும் இந்தப் பாட்டைப் பாட ஆரம்பித்துவிட்டனர்.
---மேலும் மோடியை ஆதரிக்க அவர் ஒரு நடுநிலைவாதி அல்ல.குஜராத் வழககுகளில் அவர் பெயர் இன்னும் உள்ளதும் அவருக்கு அமெரிக்கா விசா மறுக்கப்பட்டதும் அனைவரும் அறிந்த விஷயம்.காங்கிரஸ்,பிஜேபி தவிர மூன்றாவது அணியில் ஒருவர் பிரதமர் ஆனால்தான் இந்தியா ஒளிரும்..இந்தியர்கள் அனைவரும் நிம்மதியாக வாழ முடியும் என்பது என் அபிப்ராயம் ....

2011 ஆம் ஆண்டு மே மாதம்  காம்பிரிட்ஜ் நகரத்தின் சார்பாக தனது உயர் கல்விக்காக 2500 டாலர் ஊக்கத்தொகையாக பெற்ற 19 வயதே நிறைந்த இந்த மாணவனை தீவிரவாத குற்றம் சாட்டி கைது செய்திருக்கிறது போஸ்டன் காவல் துறை. இந்த மாணவனின் பெயர் ஸூகர் சர்னயெவ்.
போஸ்டன் குண்டுவெடிப்பை தொடர்ந்து கண்காணிப்பு காமெராவில் பதிவு செய்யப்பட்ட தரம் குறைந்த புகைப்படங்கள்  வெளியானதும் ரஷ்யாவின் செச்ன்யா பகுதியிலிருந்து அமெரிக்காவில் குடியேறிய குடும்பத்தில் பிறந்த அண்ணன் தம்பிகள் (ஸூகர் சர்னயெவ் மற்றும் அவரது மூத்த சகோதரர் டாமர்லென்) அமெரிக்க அரசால்  தீவிரவாதிகளாக முத்திரை குத்தப்பட்டுள்ளனர்.  இதில் சர்னயெவின் மூத்த சகோதரர் தேடுதல் வேட்டையில் நடத்த துப்பாக்கிச் சண்டையில்(?) போலீசாரால் சுட்டுக் கொல்லபட்டார்.

தற்பொழுது போலீசார் கைது செய்த 19 வயதே நிரம்பிய ஸூகர்  சர்னயெவ் குறித்த  வதந்திகள் ஊடகங்களில் வந்ததும் இவரை அறிந்தவர்கள் அதிர்ச்சி தெரிவித்துள்ளனர். இவரது தந்தை அன்ஸூர் இவரை குறித்து ”தி அசோசியேட் பிரஸ்” (The Associated Press) க்கு தொலைபேசி மூலம் கூறுகையில் "எனது மகன்  இரண்டாம் வருட மருத்துவ மாணவன், அவன் மிகவும் புத்தி கூர்மை வாய்ந்தவன், அவனை இந்த விடுமுறைக்கு எங்களை காண வருவான் என்று எதிர் பார்த்தோம் " என்று கூறினார்
மேலும் தன்  மகன்கள் அப்பாவிகள் என்றும் அரசு அவர்களை திட்டமிட்டு இந்த குண்டு வெடிப்பில் குற்றவாளிகளாக்கி உள்ளது என்று கூறினார். தனது மூத்த மகனை போலீசார் கொன்று விட்டனர் தன் மற்றொரு மகனையும் போலீசார் கொலை செய்து விட்டால் இது திட்டமிட்ட சதியே என்று உறுதியாகிவிடும் என்றும் அவர் கூறியுள்ளார். இவர்களை குறித்து இவர்களின் தாயார் தொலைகாட்சி ஒன்றிற்கு அளித்த பேட்டியில் "எனது மகன்கள் இருவரும் நிரபராதிகள், அவர்கள் ஒன்றும் அறியாதவர்கள் என்றும் இது ஒரு சதி என்றும் கூறினார். மேலும் FBI  அதிகாரிகள் தனது மகனை மூன்று வருடங்களாக தொடர்ந்து வருகின்றனர் என்றும் அவர் கூறினார்.
ஒரு ரஷ்ய சமூக வலை தளத்தில் உள்ள ஸூகரின் பக்கத்தில் அவர் கேம்பிரிஜ் ரின்டே மற்றும் லத்தின் பள்ளியில் பயின்று 2011 இல் தேர்ச்சி பெற்றதாக குறிபிடப்பட்டுள்ளது. அதே வருடம் தனது மேல்படிப்பிற்க்காக அவர் 2500 டாலர் ஊக்கத்தொகையும்  பெற்றுள்ளார். அந்த சமூக வலை தள பக்கத்தில் அவர் செச்ன், ஆங்கிலம் மற்றும் ரஷ்ய  மொழி பேசுபவர் என்றும், தனது மீதான உலகத்தின் பார்வைக்கு இஸ்லாம் தான் காரணம் (இது தான் தற்பொழுது அமெரிக்க அரசாங்கம் இவரை தீவிரவாதி ஆக்கியதன் முதன்மை காரணம்) என்றும், தனது தனிப்பட்ட இலக்கு தொழில் மற்றும் பணம் என்றும் குறிபிட்டுள்ளார்.


போஸ்டன் குண்டுவெடிப்பு நிகழ்ந்த பின் ஸூகர் சர்னயெவ் தனது @J_ tsar என்ற தனது டுவிட்டர் பக்கத்தில் "Ain't no love in the heart of the city, stay safe people" (நகரத்தின் இதயத்தில் அன்பு இல்லை, மக்கள் அனைவரும் பாதுகாப்பாக இருங்கள்) என்று பதிந்துள்ளார். உலக வரலாற்றில் மக்கள் நலனில் அக்கறை கொண்ட தீவிரவாதி(?) இவராகத்தான் இருக்க முடியும்.
அந்த வானொலி நிகழ்ச்சிக்கு தொலைபேசி அழைப்பில் பேசிய ஸூகர் இன் சமூகவியல் ஆசிரியர் ஸூகர் பற்றி கூறும்பொழுது "தங்க குணம் படைத்தவன் என்றும் அவன் மொத்தமாகவே ஒரு சிறந்த சிறுவன் " என்று கூறியுள்ளார். ஸூகர் இன் மூத்த சகோதரர் டாமர்லென் குத்து சண்டை வீராவார். இவரை குறித்து வேறொரு நாடு விசாரணைக்காக கோரிக்கை விடுத்ததை அடுத்து அவரையும் அவரது குடும்பத்தாரையும் FBI  விசாரணை செய்தது என்று கூறியுள்ளார். இந்த விசாரணையில் டாமர்லென்  இஸ்லாத்தை தீவிரமாக பின்பற்றுபவராகவும், ஐவேளை சரியாக தொழுபராகவும் 2010இல் இருந்து அவரது போக்கில் இந்த மாற்றம் ஏற்பட்டுள்ளதாகவும், அவர் அதன் பின்னர் அமெரிக்காவிலிருந்து விசாரணைக்கு கோரிய நாட்டிற்கு செல்ல முற்பட்டதால் இந்த விசாரணையை அந்நாடு கோரியதாகவும் FBI தனது அறிக்கையில் தெரிவித்துள்ளது. எனினும் இவரை விசாரிக்க கோரிய நாடு (இஸ்ரேல்?)

இவர் ஒரு அமெரிக்க  பெண்ணை திருமணம் முடித்து இவர்களுக்கு மூன்று வயது மகள் இருக்கிறாள் என்பது குறிப்பிட தக்கது. இந்த குண்டு வெடிப்பே அரசாங்கம் நடத்தியதுதான் என்று பலர் நம்பி வரும் வேளையில், ஸூகர் சகோதரர்களுக்கு எதிராக அவர்கள் இஸ்லாமியர்கள் என்பதும் அவர்கள் இஸ்லாத்தை பின்பற்றி வாழ்ந்தார்கள் என்பதையும் தவிர வேறு எந்த ஒரு சிறு ஆதாரத்தையும் அதிகாரிகள் முன் வைக்க வில்லை. ஆனால் பத்திரிகைகள் மீண்டும் மீண்டும் இவர்கள் முஸ்லீம்கள் என்று கூறி வருவது அமெரிக்காவில் நிலவி வரும் முஸ்லீம் காழ்ப்புணர்ச்சி மூலம் இவர்களை குற்றவாளிகள் ஆக்கவும் மேலும் முஸ்லீம் விரோத நடவடிக்கைகளை அதிக படுத்துவதற்க்குமே ஆகும். இந்திய பத்திரிக்கைகளும் இவர்களின் கைது நடவடிக்கையை ஒரு கேலிக்குரிய செய்தியாக்கி வருகின்றன.
மூன்று பேர் பறிபோன இந்த குண்டு வெடிப்பு சம்பவத்தை தொடர்ந்து தேடுதல் வேட்டை, துப்பாக்கிசூடு, கைது என்று நாடகமாக ஆக்கி மறுபுறம் இதனை தொடர்ந்து 70 பேரை பலி கொண்ட Texas  மாகாண உர தொழிற்சாலை வெடிப்பை மறைகின்றனரோ என்ற சந்தேகமும் உள்ளது. நாளை அதனை நடத்தியவர்களும் இவர்கள் தான் என்று புது கதைகளும் வரலாம்.

செய்தி ஆதாரம்: டைம்ஸ் ஆப் இஸ்ரேல்
கடைசி புதுபிப்பு : 14:38

டில்லி: இரண்டு நாட்களாக தொடர்ந்து கொடூரமான முறையில் கற்பழிக்கப்பட்ட 5 வயது சிறுமி மீட்கப்பட்டு உயிருக்கு போராடிய நிலையில் கடந்த வெள்ளியன்று டில்லி எய்ம்ஸ்(AIIMS)மருத்துவமனையில் அனுமதிக்கப்பட்டுள்ளார். சிறுமி பேச்சுமூச்சற்று தொடர்ந்து கவலைக்கிடமான நிலையில் சிகிச்சை பெற்று வருவதாக எய்ம்ஸ் மருத்துவமனையின் தலைமை மருத்துவர் D.K.சர்மா தெரிவித்தார்.

சிறுமியை கற்பழித்த குற்றவாளி மனோஜ்குமார் பீஹாரின் முஜப்பர்பூர் என்ற கிராமத்தில் ஒளிந்திருந்த நிலையில் காவல்துறையால் கைது செய்யப்பட்டான். அவனுக்கு வயது 22.

பாலியல் பயங்கரவாதி மனோஜ்குமார்

டில்லி காந்திநகரில் உள்ள, பாதிக்கப்பட்ட சிறுமியின் குடும்பம் வசித்து வருகிற அதே அடுக்குமாடி குடியிருப்பில் தரைத்தளத்தில் குடியிருந்த குற்றவாளி மனோஜ், சிறுமியை கடந்த 15ம் தேதி கடத்தி தன் வீட்டிலேயே இரண்டு நாட்களாக உணவு, தண்ணீர் கூட இன்றி அடைத்து வைத்திருந்ததாக காவல்துறை தகவல் தெரிவிக்கின்றன. மேலும் அவர்கள் கூறுகையில், சிறுமி இரண்டு நாட்களாக தொடர்ந்து கற்பழிக்கப்பட்டும், பாலியல் வன்முறைக்கு உட்படுத்தப்பட்டும் உள்ள நிலையில் சிறுமியின் அலறல் சப்தம் கேட்டு தேடிவந்த அவளின் குடும்பத்தினர் புதன் கிழமையன்று சிறுமியையை மீட்டனர்.

மனோஜ்குமார் கைது செய்யப்பட்ட பின் நீதிமன்றத்தில் இன்று ஆஜர்படுத்தப்பட்ட பொழுது, மூன்று நாளைக்குள் டில்லி காவல்துறையின் வசம் குற்றவாளி ஒப்படைக்கப்பட வேண்டுமென்று பீகார் நீதிமன்றம் உத்தரவிட்டது.

மேலும் மருத்துவர்கள் கூறுகையில் 200மி.லி ஹேர் ஆயில் பாட்டில் மற்றும் மெழுகுவர்த்தி துண்டுகள் ஆகியவை சிறுமியின் பிறப்புறுப்பிலிருந்து அறுவைசிகிச்சை மூலம் அகற்றப்பட்டதாக தெரிவித்தனர்.

இதனிடையே, சிறுமிக்கு இழைந்த கொடுமையைக் கண்டித்தும் குற்றவாளிக்கு கடுமையான தண்டனை உறுதி செய்யப்பட வேண்டியும் போரட்டகாரர்களும் பொதுமக்களும் இன்று எய்ம்ஸ் மருத்துவமனை வளாகம் முன்பாகவும் டில்லி காவல்துறை தலைமையகத்தின் முன்பாகவும் போராட்டம் நடத்தி வருகின்றனர். ஆம் ஆத்மி கட்சியைச் சார்ந்த போராட்டக்காரர்களுடன் காவல்துறையினர் போரட்டத்தைக் கைவிடக்கோரி பேச்சுவார்த்தை நடத்தி வருகின்றனர்.

குஜராத் அரசு 2002 ஆம் ஆண்டு முஸ்லிம்களுக்கு எதிரான இனக்க்கலவரத்தில் ஆயுள் தண்டனை அளிக்கட்பட்ட மாயா கோட்னானி,பாபு பஜ்ரங்கி  உட்பட 10  பேரின் தூக்கு தண்டனைக்கு உச்ச நீதி மன்றத்தில் மனு அளிக்க போவதாக அரசு வழக்கறிஞர் கௌரங்க் வியாஸ் அறிவித்துள்ளார்.
எதிர்வரும்  நாடாளுமன்ற தேர்தலை முன்னிட்டு மோடி தன் மேலே உள்ள மதச் சாயத்தை மறைக்க தனது சகாக்களையே பலி கொடுக்க துணிந்துவிட்டார்.தனது இமேஜ் இதன் மூலம் பெரியதாகவேண்டும் என்று எண்ணி வேஷம் போடும் மோடியை பற்றி பாமர மக்களும் அறிவார்கள்.இவர் இத்தனை வருடங்கள் ஞாபக மறதியால் பாதிக்கப்பட்டு இருந்தாரா என்ன? கலவரத்தில் அப்பாவி மக்களையும் பெண்களையும் சிறுவர்களையும் வார்த்தையால் சொல்ல முடியாத கொடுமைகளால் கொன்றவர்களுக்கு பதவியில் அமர்த்தி அழகு பார்த்தாரே!. தெகல்ஹாவில் வீடியோ ஆதாரங்களுடன் குற்றவாளிகள் குற்றத்தை ஒப்புக் கொண்ட போதும் நாடே அவர்களை தண்டிக்க கோரியபோதும் எங்கே போய் இருந்தார் இந்த நீதிமான் மோடி?. மாறாக மாயா கோட்னானிக்கு MLA ,அமைச்சர் பதவியும், மதன் சாவலுக்கும் ,ஹரீஸ் பட்டுக்கும் குற்றவாளிகள் என்று தெரிந்த பின்னர்தானே MLA பதவி கொடுத்தார்.ஆனால் இன்று தன் முன்னேற்றத்துக்கு தடை என்று தெரிந்ததும் அவர்களை பலி  கொடுக்க துணிந்துவிட்டார். 
ஊடங்களின் உதவியுடனும் காங்கிரஸ் அரசுக்குள்ள எதிர்ப்புணர்வையும்  பயன்படுத்தி எப்படியாவது பிரதமர் பதவியை அடைந்து விடலாம் என்று கனவு கண்டு கொண்டு இருக்கிறார் மோ(கே)டி. ஆனால் நாட்டில் உள்ள நடுநிலையாளர்களும் மதசார்பற்ற கட்சிகளும் அவரின் கனவை தகர்க்க வேண்டும். இவர்களை எல்லாம் விட கலவரத்தில் மூன்று நாட்கள்  அரசியல்வாதிகளையும் அதிகாரிகளையும் பயன்படுத்தி ஒரு சிறுபான்மை இனத்தை அழிக்க முக்கிய காரணகர்த்தவே இந்த மோடிதான்.முதலில் தண்டிக்க பட  வேண்டியதும் அவர்தான்.தூக்கிலிடப்பட வேண்டியவரும் இவரே.

இந்த குண்டு வெடிப்பில் 2 கார்கள் மற்றும் 2 மோட்டார்சைக்கிள் முழுமையாக சேதமடைந்தது. முதலில் இது பா.ஜ.க தேர்தல் பிரச்சாரத்திற்க்காக பயன்படுத்திய ஆம்னி வேனின் கியாஸ் சிலிண்டர் வெடித்ததாக போலீசார் சந்தேகித்தனர். பின்னர் இது இரண்டு கார்களுக்கு மத்தியில் நிறுத்தப்பட்ட மோட்டார் சைக்கிளில் இருந்த வெடி குண்டினால் ஏற்பட்டது என்று காவல் துறை ஆணையர் ராகவேந்திரா அவுராத்கர் தெரிவித்துள்ளார்
மூத்த காவல் துறை அதிகாரிகள் கூறுகையில்,  நீல நிற சுசுகி மோட்டார் சைக்கிளில் டைமர் வகையை சார்ந்த IED  குண்டு பொருத்தப்பட்டு வெடிக்க செய்யப்பட்டுள்ளது என்று  கூறினார். மேலும் அந்த சுசுகி பைக் முந்தைய இரவு அங்கு நிருத்தபட்டிருக்க வேண்டும் என்று சந்தேகின்றனர். இந்த வெடி குண்டு தாக்குதலின் விசாரணைக்கு பா.ஜ.க அலுவலகத்தில் பொருத்தப்பட்ட CCTV காமெரா உதவும்(?) என்று போலீஸ் தரப்பில் கூறப்படுகிறது.

காவல்துறை உயர் அதிகாரி L.R. பாச்சாவ் கூறுகையில், தற்சமயம் குண்டு வெடிப்பை மட்டுமே உறுதி செய்ய முடியும் எனவும், எந்த வகையான குண்டு வெடிக்க வைக்கப்பட்டது என்பது விசாரணை செய்யப்பட்டு வருகிறது என்றும் கூறினார்.

குண்டு வெடிப்பு நிகழ்ந்த இடம் ஜன்னல்களில் இருந்து நொறுங்கிய கண்ணாடி  துகள்களால் சூழ்ந்திருந்தது. குண்டு வெடிப்பு நிகழ்ந்த சமையத்தில் KSRP வேனில் இருந்த தலைமை காவலர் வெங்கடேசையா ஹிந்து பத்திரிக்கையிடம்  கூறுகையில், வெடி குண்டின் தாக்கம் அதிகமாக இருந்தது. நாங்கள் பெரும் சப்தத்தை கேட்டோம். எங்களால் எதனையும் சரியாக காண முடியவில்லை. முற்றிலும் புகை மூட்டமாக இருந்தது. புகை விலகியதும் மக்கள் சாலையில் விழுந்து கிடந்ததை கண்டோம். அதில் பெரும்பாலானோர் புகை மற்றும் சிதறிய கண்ணாடி துண்டுகளால் காயமடைந்தவர்கள் என்று கூறியுள்ளார்.

மேலும் அவர் கூறுகையில் ஒரு மணி நேரத்திற்கு முன்பாக  பா.ஜ.க அலுவலகத்திற்கு அருகிலிருந்த போலீஸ் வேன் போக்குவரத்திற்கு இடையூறாக இருக்கிறது என்று பா.ஜ.க தொண்டர்கள் புகார் கூறியதால்  வெடிப்பு நடந்த இடத்திற்கு மாற்றப்பட்டது. இடம் மாறிய சில நொடிகளில் குண்டு வெடிப்பு நிகழ்ந்தது  என்று கூறினார்.
குண்டு வெடிப்பு நடந்த தெரு முழுவதும் காவல்துறை கட்டுப்பாட்டுக்குள் கொண்டு வரப்பட்டுள்ளது. வெடி குண்டு நிபுணர்கள், தேசிய புலனாய்வு அதிகாரிகள் மற்றும் உளவு துறை அதிகாரிகள் சம்பவ இடத்தில் உள்ளனர். உள்துறை அமைச்சர் அசோக், கட்சி அலுவலகத்தையும் சம்பவ இடத்தையும் பார்வை இட்டார்.

இதனிடையில் இந்த குண்டு வெடிப்பை முன்னிறுத்தி அரசியல் தொடங்கிவிட்டது. காங்கிரஸ் செய்தி தொடர்பாளர் ஷகீல் அஹமத், இந்த குண்டு வெடிப்பு பா.ஜ.க வின் தேர்தலுக்கு பெரிதும் உதவும் என்று கூறியுள்ளார். இதற்க்கு பா.ஜ.க தரப்பில் இருந்து பெரிதும் எதிர்ப்பு கிளம்பியுள்ளது. இன்னும் பா.ஜ.க ஆதரவு செய்தி ஊடகங்கள் இந்த குண்டு வெடிப்பை பா.ஜ.க விற்கு ஆதரவாகவும் முஸ்லீம்களுக்கு எதிராகவும் திருப்ப நேரடி மற்றும் மறைமுக உக்திகளை கையாண்டு வருகின்றனர். http://www.oneindia.in/ என்ற செய்தி தளம் பெங்களுர் குண்டு வெடிப்பு செய்திகளை வெளியிட்ட அனைத்து பக்கங்களிலும்அந்த செய்திக்கு கீழ் அப்துல் நாசர் மதானி குறித்த வீடியோ பதிவையிட்டு இருக்கின்றது. இது போன்ற செயல்கள் தொடர்பில்லாத நிகழ்வுகளை தொடர்