டில்லி: இரண்டு நாட்களாக தொடர்ந்து கொடூரமான முறையில் கற்பழிக்கப்பட்ட 5 வயது சிறுமி மீட்கப்பட்டு உயிருக்கு போராடிய நிலையில் கடந்த வெள்ளியன்று டில்லி எய்ம்ஸ்(AIIMS)மருத்துவமனையில் அனுமதிக்கப்பட்டுள்ளார். சிறுமி பேச்சுமூச்சற்று தொடர்ந்து கவலைக்கிடமான நிலையில் சிகிச்சை பெற்று வருவதாக எய்ம்ஸ் மருத்துவமனையின் தலைமை மருத்துவர் D.K.சர்மா தெரிவித்தார்.

சிறுமியை கற்பழித்த குற்றவாளி மனோஜ்குமார் பீஹாரின் முஜப்பர்பூர் என்ற கிராமத்தில் ஒளிந்திருந்த நிலையில் காவல்துறையால் கைது செய்யப்பட்டான். அவனுக்கு வயது 22.

பாலியல் பயங்கரவாதி மனோஜ்குமார்

டில்லி காந்திநகரில் உள்ள, பாதிக்கப்பட்ட சிறுமியின் குடும்பம் வசித்து வருகிற அதே அடுக்குமாடி குடியிருப்பில் தரைத்தளத்தில் குடியிருந்த குற்றவாளி மனோஜ், சிறுமியை கடந்த 15ம் தேதி கடத்தி தன் வீட்டிலேயே இரண்டு நாட்களாக உணவு, தண்ணீர் கூட இன்றி அடைத்து வைத்திருந்ததாக காவல்துறை தகவல் தெரிவிக்கின்றன. மேலும் அவர்கள் கூறுகையில், சிறுமி இரண்டு நாட்களாக தொடர்ந்து கற்பழிக்கப்பட்டும், பாலியல் வன்முறைக்கு உட்படுத்தப்பட்டும் உள்ள நிலையில் சிறுமியின் அலறல் சப்தம் கேட்டு தேடிவந்த அவளின் குடும்பத்தினர் புதன் கிழமையன்று சிறுமியையை மீட்டனர்.

மனோஜ்குமார் கைது செய்யப்பட்ட பின் நீதிமன்றத்தில் இன்று ஆஜர்படுத்தப்பட்ட பொழுது, மூன்று நாளைக்குள் டில்லி காவல்துறையின் வசம் குற்றவாளி ஒப்படைக்கப்பட வேண்டுமென்று பீகார் நீதிமன்றம் உத்தரவிட்டது.

மேலும் மருத்துவர்கள் கூறுகையில் 200மி.லி ஹேர் ஆயில் பாட்டில் மற்றும் மெழுகுவர்த்தி துண்டுகள் ஆகியவை சிறுமியின் பிறப்புறுப்பிலிருந்து அறுவைசிகிச்சை மூலம் அகற்றப்பட்டதாக தெரிவித்தனர்.

இதனிடையே, சிறுமிக்கு இழைந்த கொடுமையைக் கண்டித்தும் குற்றவாளிக்கு கடுமையான தண்டனை உறுதி செய்யப்பட வேண்டியும் போரட்டகாரர்களும் பொதுமக்களும் இன்று எய்ம்ஸ் மருத்துவமனை வளாகம் முன்பாகவும் டில்லி காவல்துறை தலைமையகத்தின் முன்பாகவும் போராட்டம் நடத்தி வருகின்றனர். ஆம் ஆத்மி கட்சியைச் சார்ந்த போராட்டக்காரர்களுடன் காவல்துறையினர் போரட்டத்தைக் கைவிடக்கோரி பேச்சுவார்த்தை நடத்தி வருகின்றனர்.

குஜராத் அரசு 2002 ஆம் ஆண்டு முஸ்லிம்களுக்கு எதிரான இனக்க்கலவரத்தில் ஆயுள் தண்டனை அளிக்கட்பட்ட மாயா கோட்னானி,பாபு பஜ்ரங்கி  உட்பட 10  பேரின் தூக்கு தண்டனைக்கு உச்ச நீதி மன்றத்தில் மனு அளிக்க போவதாக அரசு வழக்கறிஞர் கௌரங்க் வியாஸ் அறிவித்துள்ளார்.
எதிர்வரும்  நாடாளுமன்ற தேர்தலை முன்னிட்டு மோடி தன் மேலே உள்ள மதச் சாயத்தை மறைக்க தனது சகாக்களையே பலி கொடுக்க துணிந்துவிட்டார்.தனது இமேஜ் இதன் மூலம் பெரியதாகவேண்டும் என்று எண்ணி வேஷம் போடும் மோடியை பற்றி பாமர மக்களும் அறிவார்கள்.இவர் இத்தனை வருடங்கள் ஞாபக மறதியால் பாதிக்கப்பட்டு இருந்தாரா என்ன? கலவரத்தில் அப்பாவி மக்களையும் பெண்களையும் சிறுவர்களையும் வார்த்தையால் சொல்ல முடியாத கொடுமைகளால் கொன்றவர்களுக்கு பதவியில் அமர்த்தி அழகு பார்த்தாரே!. தெகல்ஹாவில் வீடியோ ஆதாரங்களுடன் குற்றவாளிகள் குற்றத்தை ஒப்புக் கொண்ட போதும் நாடே அவர்களை தண்டிக்க கோரியபோதும் எங்கே போய் இருந்தார் இந்த நீதிமான் மோடி?. மாறாக மாயா கோட்னானிக்கு MLA ,அமைச்சர் பதவியும், மதன் சாவலுக்கும் ,ஹரீஸ் பட்டுக்கும் குற்றவாளிகள் என்று தெரிந்த பின்னர்தானே MLA பதவி கொடுத்தார்.ஆனால் இன்று தன் முன்னேற்றத்துக்கு தடை என்று தெரிந்ததும் அவர்களை பலி  கொடுக்க துணிந்துவிட்டார். 
ஊடங்களின் உதவியுடனும் காங்கிரஸ் அரசுக்குள்ள எதிர்ப்புணர்வையும்  பயன்படுத்தி எப்படியாவது பிரதமர் பதவியை அடைந்து விடலாம் என்று கனவு கண்டு கொண்டு இருக்கிறார் மோ(கே)டி. ஆனால் நாட்டில் உள்ள நடுநிலையாளர்களும் மதசார்பற்ற கட்சிகளும் அவரின் கனவை தகர்க்க வேண்டும். இவர்களை எல்லாம் விட கலவரத்தில் மூன்று நாட்கள்  அரசியல்வாதிகளையும் அதிகாரிகளையும் பயன்படுத்தி ஒரு சிறுபான்மை இனத்தை அழிக்க முக்கிய காரணகர்த்தவே இந்த மோடிதான்.முதலில் தண்டிக்க பட  வேண்டியதும் அவர்தான்.தூக்கிலிடப்பட வேண்டியவரும் இவரே.

இந்த குண்டு வெடிப்பில் 2 கார்கள் மற்றும் 2 மோட்டார்சைக்கிள் முழுமையாக சேதமடைந்தது. முதலில் இது பா.ஜ.க தேர்தல் பிரச்சாரத்திற்க்காக பயன்படுத்திய ஆம்னி வேனின் கியாஸ் சிலிண்டர் வெடித்ததாக போலீசார் சந்தேகித்தனர். பின்னர் இது இரண்டு கார்களுக்கு மத்தியில் நிறுத்தப்பட்ட மோட்டார் சைக்கிளில் இருந்த வெடி குண்டினால் ஏற்பட்டது என்று காவல் துறை ஆணையர் ராகவேந்திரா அவுராத்கர் தெரிவித்துள்ளார்
மூத்த காவல் துறை அதிகாரிகள் கூறுகையில்,  நீல நிற சுசுகி மோட்டார் சைக்கிளில் டைமர் வகையை சார்ந்த IED  குண்டு பொருத்தப்பட்டு வெடிக்க செய்யப்பட்டுள்ளது என்று  கூறினார். மேலும் அந்த சுசுகி பைக் முந்தைய இரவு அங்கு நிருத்தபட்டிருக்க வேண்டும் என்று சந்தேகின்றனர். இந்த வெடி குண்டு தாக்குதலின் விசாரணைக்கு பா.ஜ.க அலுவலகத்தில் பொருத்தப்பட்ட CCTV காமெரா உதவும்(?) என்று போலீஸ் தரப்பில் கூறப்படுகிறது.

காவல்துறை உயர் அதிகாரி L.R. பாச்சாவ் கூறுகையில், தற்சமயம் குண்டு வெடிப்பை மட்டுமே உறுதி செய்ய முடியும் எனவும், எந்த வகையான குண்டு வெடிக்க வைக்கப்பட்டது என்பது விசாரணை செய்யப்பட்டு வருகிறது என்றும் கூறினார்.

குண்டு வெடிப்பு நிகழ்ந்த இடம் ஜன்னல்களில் இருந்து நொறுங்கிய கண்ணாடி  துகள்களால் சூழ்ந்திருந்தது. குண்டு வெடிப்பு நிகழ்ந்த சமையத்தில் KSRP வேனில் இருந்த தலைமை காவலர் வெங்கடேசையா ஹிந்து பத்திரிக்கையிடம்  கூறுகையில், வெடி குண்டின் தாக்கம் அதிகமாக இருந்தது. நாங்கள் பெரும் சப்தத்தை கேட்டோம். எங்களால் எதனையும் சரியாக காண முடியவில்லை. முற்றிலும் புகை மூட்டமாக இருந்தது. புகை விலகியதும் மக்கள் சாலையில் விழுந்து கிடந்ததை கண்டோம். அதில் பெரும்பாலானோர் புகை மற்றும் சிதறிய கண்ணாடி துண்டுகளால் காயமடைந்தவர்கள் என்று கூறியுள்ளார்.

மேலும் அவர் கூறுகையில் ஒரு மணி நேரத்திற்கு முன்பாக  பா.ஜ.க அலுவலகத்திற்கு அருகிலிருந்த போலீஸ் வேன் போக்குவரத்திற்கு இடையூறாக இருக்கிறது என்று பா.ஜ.க தொண்டர்கள் புகார் கூறியதால்  வெடிப்பு நடந்த இடத்திற்கு மாற்றப்பட்டது. இடம் மாறிய சில நொடிகளில் குண்டு வெடிப்பு நிகழ்ந்தது  என்று கூறினார்.
குண்டு வெடிப்பு நடந்த தெரு முழுவதும் காவல்துறை கட்டுப்பாட்டுக்குள் கொண்டு வரப்பட்டுள்ளது. வெடி குண்டு நிபுணர்கள், தேசிய புலனாய்வு அதிகாரிகள் மற்றும் உளவு துறை அதிகாரிகள் சம்பவ இடத்தில் உள்ளனர். உள்துறை அமைச்சர் அசோக், கட்சி அலுவலகத்தையும் சம்பவ இடத்தையும் பார்வை இட்டார்.

இதனிடையில் இந்த குண்டு வெடிப்பை முன்னிறுத்தி அரசியல் தொடங்கிவிட்டது. காங்கிரஸ் செய்தி தொடர்பாளர் ஷகீல் அஹமத், இந்த குண்டு வெடிப்பு பா.ஜ.க வின் தேர்தலுக்கு பெரிதும் உதவும் என்று கூறியுள்ளார். இதற்க்கு பா.ஜ.க தரப்பில் இருந்து பெரிதும் எதிர்ப்பு கிளம்பியுள்ளது. இன்னும் பா.ஜ.க ஆதரவு செய்தி ஊடகங்கள் இந்த குண்டு வெடிப்பை பா.ஜ.க விற்கு ஆதரவாகவும் முஸ்லீம்களுக்கு எதிராகவும் திருப்ப நேரடி மற்றும் மறைமுக உக்திகளை கையாண்டு வருகின்றனர். http://www.oneindia.in/ என்ற செய்தி தளம் பெங்களுர் குண்டு வெடிப்பு செய்திகளை வெளியிட்ட அனைத்து பக்கங்களிலும்அந்த செய்திக்கு கீழ் அப்துல் நாசர் மதானி குறித்த வீடியோ பதிவையிட்டு இருக்கின்றது. இது போன்ற செயல்கள் தொடர்பில்லாத நிகழ்வுகளை தொடர்

வறுமைக்கோடு என்றால் என்ன என்று சில மாதங்களுக்கு முன்பு நீதிமன்றம் ஒரு கேள்வியை எழுப்பியது. அதற்கு திட்டக் கமிஷன், "நாள் ஒன்றுக்கு நகர்ப்புறத்தில் ரூ.32, ஊரகப் பகுதியில் ரூ.26-க்கும் குறைவாகச் சம்பாதிப்பவர்கள் வறுமைக்கோட்டுக்குக் கீழே வாழ்பவர்கள்' என்று விளக்கம் அளித்தது. இதற்கு நாடு முழுவதும் கடும் எதிர்ப்பு எழுந்தது. விற்கும் விலைவாசியில் இந்தப் பணத்தில் மனிதன் உயிர்வாழ முடியுமா? இதென்ன அபத்தம்? இந்தப் புள்ளிவிவரம், குளிர்சாதன வசதி செய்யப்பட்ட அறையில் உட்கார்ந்து எழுதுபவர்களால் தரப்படுகின்றது என்றெல்லாம் கடும் விமர்சனங்கள் எழுந்தன.
இப்போது திட்டக் கமிஷன் வறுமைக்கோடு குறித்து வெளிப்படையாகவே அறிவித்துள்ளது. அதாவது, நகர்ப்புறத்தில் தனிநபர் வருமானம் ரூ.28.65-க்கு கீழாகவும், கிராமப்புறத்தில் ரூ.22.42-க்கு கீழாகவும் இருந்தால் அவர்கள் வறுமைக்கோட்டுக்கு கீழே வாழ்பவர்கள். அதாவது, நான்குபேர் கொண்ட ஒரு குடும்பத்தை வறுமைக்கோட்டுக்குக் கீழே வாழும் குடும்பம் என்று வரையறை செய்ய, அந்தக் குடும்பத்தின் ஒரு நாள் வருவாய், நகர்ப்புறத்தில் ரூ.114-க்கு (மாதம் ரூ.3,420) குறைவாகவும், கிராமப்புறத்தில் ரூ.90-க்கு (மாதம் ரூ.2,700) குறைவாகவும் இருந்தால் அவர்கள் வறுமைக்கோட்டுக்குக் கீழே வாழ்பவர்கள் என்று கொள்ளலாம். இது ஏற்கெனவே நீதிமன்றத்தில் தெரிவித்த வருவாயைக் காட்டிலும் மிகவும் குறைவு. ஆகவே, நாடாளுமன்றத்தின் இரு அவைகளிலும் உறுப்பினர்கள் அமளி செய்தார்கள்.
திட்டக் கமிஷன் சொல்லும் அளவீடு கேலிக்கூத்து என்றால் அதைவிடப் பெரிய கேலிக்கூத்து நாடாளுமன்ற உறுப்பினர்களுடையது. இவர்களுக்கு வறுமை என்றால் என்னவென்று தெரியாது. இவர்களுக்கு வாக்குகளும் அதன் விலையும் மட்டும்தான் தெரியும். இவர்களில் சிலரது ஆண்டு வருமானம் பல கோடிகள் என்றால், ஏனைய பலரின் மாத வருமானம் சில லட்சங்கள். ஒருவேளை, இவ்வளவு குறைந்த பணத்தில் உயிர்வாழும் ஒரு வாக்காளரின் வாக்குக்கு ஏன் ஆயிரக்கணக்கில் விலை என்ற சுயகேள்வியால் எழுந்த கோபமாகவும்கூட இருக்கலாம், இந்தக் கூச்சலும் குழப்பமும்!
இந்தியாவில் 2004-05-ம் ஆண்டில் வறுமைக்கோட்டுக்குக் கீழே வாழ்வோர் 37.2%. இந்த அளவு 2010-11-ம் ஆண்டில் 29.8% ஆகக் குறைந்துள்ளது. அதாவது, வறுமைக்கோட்டுக்குக் கீழே வாழ்வோர் எண்ணிக்கை குறைந்துள்ளது. அப்படியானால் இவர்கள் அதிகம் சம்பாதிக்கும் நிலைமை உருவாகியிருக்க வேண்டுமே? ஒரு குடும்பத்தின் வருவாய் கூடியிருக்க வேண்டுமே? ஆனால், திட்டக் கமிஷன் வறுமைக்கோட்டுக்கான வருமான அளவை மேலும் குறைக்கின்றது. இது எளிதில் புரியாத பொருளாதாரப் புதிர்.
இதே காலகட்டத்தில், தமிழ்நாட்டைப் பொருத்தவரை வறுமைக்கோட்டுக்குக் கீழே வாழ்வோர் எண்ணிக்கை 29.4% லிருந்து 17.1% ஆகக் குறைந்துள்ளது. அதாவது, பல லட்சம் குடும்பங்களின் மாத வருமானம் உயர்ந்திருக்கிறது. எந்த அளவுக்கு உயர்ந்திருக்க முடியும்? 2009-10-ம் ஆண்டில் தமிழகத்தின் சராசரி (வறுமைக்கோடு நிர்ணயிக்கும்) தனிநபர் வருவாய் கிராமப்புறத்தில் ரூ.639, நகர்ப்புறத்தில் ரூ.800. இவை வெறும் புள்ளிவிவரங்கள்.
ஒரு மனிதன் அரசு தரும் அத்தனை சலுகைகளையும் பெற்றுக்கொண்டு, விலையில்லா அரிசி, அரசு மருத்துவமனையில் மருந்து மாத்திரை, அரசின் மருத்துவக் காப்பீட்டில் சிகிச்சை பெறுதல், அரசுப் பள்ளியில் குழந்தைகளைப் படிக்கவைத்தல், ஒரு விளக்கு திட்டத்தில் வீட்டுக்கு இலவச மின்சாரம் பெறுதல் போன்ற அத்தனை சலுகைகளையும் பெற்றுக்கொண்டு, இந்தக் குறைந்த வருமானத்தில் வாழ்கிறார் என்பதுதான் இந்தப் புள்ளிவிவரம்.
தமிழ்நாட்டில் சத்துணவுத் திட்டத்தில் ஒரு குழந்தைக்கு ஒரு நாளைக்குச் செலவிடப்படும் தொகை ரூ.6 மட்டுமே. இந்த திட்டத்திலும் உணவுத் தானியங்கள் திருடு போகவும் செய்கின்றன. அதன் பிறகும் இந்த ஆறு ரூபாயில், 478 கலோரி, 15.26 கிராம் புரோட்டீன் உள்ள உணவுகளை வழங்குகிறார்கள். இதுபோன்று ஒரு தனிநபர் தனது குழந்தைக்கு வெறும் ரூ.6 கொடுத்து மதிய உணவைப் பெற்றுத்தர முடியுமா? தேநீர்கூட வாங்கித் தர முடியாது. ஓர் அரசு ஒட்டுமொத்தமாகச் செய்வதற்கும், ஒரு தனிநபர் செய்வதற்கும் நிறைய வேறுபாடுகள் இருக்கவே செய்யும்.
தமிழக அரசின் கடைநிலை ஊழியரின் மாதச் சம்பளம் ரூ.5,299 என்றால், அவருக்கான வாடகைப்படி சென்னை பெருநகரில் ரூ.500, மாநகராட்சியில் ரூ.300, நகராட்சியில் ரூ.200. இந்த வாடகைப் படிக்கும் அவர் கொடுக்கும் வாடகைக்கும் ஏதாவது தொடர்பு இருக்குமா?
சிறு நகரங்களில்கூட வாடகை உயர்ந்துவிட்டது. குறைந்தது ரூ.3,000 வாடகை கொடுத்தாக வேண்டும். அதை அவர் எப்படிக் கொடுக்கிறார் என்பது சராசரி வாக்காளருக்குக் கூடத் தெரிந்த உண்மை.
இந்தியாவை ஒட்டுமொத்தமாகப் பார்த்து, அரசின் சலுகைகளைக் கழித்துக் கணக்கிடும் திட்டக் கமிஷனின் வெறும் புள்ளிவிவரத்துக்காகக் கொதித்தெழும் நாடாளுமன்ற உறுப்பினர்கள், முறையற்ற வழிகளில் வருமானம் தேடுவதிலும், தொகுதி மேம்பாட்டு நிதியைச் செலவிடுவதிலும் ஊழல் செய்வோரை அம்பலப்படுத்துவதிலும் முனைப்புக் காட்டினாலே போதும். இந்தியாவில் அனைவரும் பணக்காரர்களாகிவிடுவார்கள்.
கம்பன் சொல்வதுபோல கொடுப்பார் இல்லை, கொள்வார் இல்லையால் என்ற நிலைமையை உருவாக்க வேண்டியவர்கள் வெறும் புள்ளிவிவரத்துக்காக கூச்சல் போடுவானேன்?

சென்னை: குஜராத் இனப்படுகொலை நடைபெற்று நேற்றோடு 10 வருடங்கள் கடந்து விட்டது. பாப்புலர் ஃப்ரண்ட் ஆஃப் இந்தியா குஜராத் கலவரத்தால் வீட்டை இழந்து, குடும்பத்தினரை இழந்து தவித்து வரும் அனைத்து குடும்பங்களுக்கும் தன்னுடைய ஆழ்ந்த இரங்கலை தெரிவித்து கொள்கிறது.

அஹமதாபாத் பாப்பு நகர் நிவாரண முகாமில் தங்கியிருக்கும் முஸ்லிம்கள்

உலகிலேயே மிகப்பெரிய ஜனநாயக நாடு இந்தியா தான் என்று உலக நாடுகளுக்கு முன் பிதற்றிக்கொண்டிருக்க 10 வருடங்கள் ஆகியும் கலவரத்தை கச்சிதமாக நடத்தி முடித்தவர்கள் இன்று வரை சுதந்திரமாக உலாவி வருகின்றனர். அத்தோடு மட்டுமல்லாமல் கலவரத்தில் கொடூரத்தை அரங்கேற்றியவர்களுள் பலர் இன்று அமைச்சர்களாகவும், எம்.பிகளாகவும், எம்.எல்.ஏக்களாகவும் இருப்பது இந்த தேசத்திற்கே அவமானமாகும். ஆனால் கலவரத்தில் பாதிக்கப்பட்டவர்களுக்கு இன்று வரை நீதி மறுக்கப்பட்டு வருகிறது.


கலவரத்தில் கொடூரமான முறையில் கொலை செய்யப்பட்ட முஸ்லிம்களின் கல்லறைகள் இன்றும் அந்த கொடூர நிகழ்வை சித்தரித்துக்கொண்டிருக்கிறது. சமூகத்திலிருந்து முஸ்லிம்கள் புறக்கணிக்கப்பட்டு வரும் செயல் இன்று வரை தொடர்ந்து கொண்டிருக்கிறது. கலவரத்தில் உயிர் பிழைத்த எண்ணற்ற முஸ்லிம்களால் இதுவரை தங்களது சொந்த கிராமங்களுக்கு திரும்ப முடியவில்லை. வலுக்கட்டாயமாக முகாம்களிலேயே தங்க வைக்கப்பட்டுள்ளனர். இதனால் சொந்த மண்ணிலேயே முஸ்லிம்கள் அகதிகளாக வாழ்ந்து வருகின்றனர்.


குஜராத்தை தற்போது ஆட்சி செய்து கொண்டிருப்பவர்களே கலவரத்திற்கு காரணம் என்பது தெளிவான உண்மை. இருந்த போதிலும் அவர்களில் ஒருவர் கூட தண்டிக்கப்படவில்லை. பாதிக்கப்பட்டவர்களோ நீதி வேண்டி தவித்துக்கொண்டிருக்கின்றனர். முஸ்லிம்களுக்கு நீதி வழங்கும் விஷயத்தில் மாநில அரசும், மத்திய அரசும் அதிக ஆர்வம் காட்டுவதில்லை. நீதி வழங்குவதற்கு பதிலாக கொல்லப்பட்ட முஸ்லிம்களின் உடல்கள் மீது அரசியல் விளையாட்டை மேற்கொண்டு வருகின்றனர். ஒரு பக்கம் முஸ்லிம்கள் தீவிரவாதிகள் என பிரச்சாரம் செய்து பிற மக்களின் ஒட்டுக்களை சேகரித்து வரும் நரேந்திர மோடி, மறுபுரம் முஸ்லிம்களின் இறந்த உடல்களை காட்டி முஸ்லிம்களின் ஓட்டுக்களை பெறுவதற்கு துடித்துக்கொண்டிருக்கிறது காங்கிரஸ் கட்சி. இவர்கள் இருவருக்கும் மத்தியில் முஸ்லிம்கள் சிக்கி சின்னாபின்னமாகி வருகின்றனர்.


பாப்புலர் ஃப்ரண்ட் ஆஃப் இந்தியாவை பொறுத்தவரை சுதந்திரம், நீதி, பாதுகாப்பு என்பது இந்தியாவில் வாழக்கூடிய அனைத்து மக்களுக்கும் சமமாக கிடைக்க வேண்டும். பாராளுமன்றமும், நீதிமன்றங்களும், சட்டமன்றங்களும் மக்களை பாதுகாக்கும் வகையில் தங்களது பணிகளை நேர்மையாக நிறைவேற்றி நீதியை நிலை நாட்டவேண்டும். அதன் மூலம் குஜராத் கலவரத்திற்கு மூளையாக செயல்பட்ட நரேந்திர மோடியை சட்டத்திற்கு முன் நிறுத்தி தகுந்த முறையில் தண்டனை வழங்கப்பட வேண்டும் என்பதே நீதிக்காக ஏங்கும் மக்களின் குரலாக ஒலித்துக்கொண்டிருக்கிறது.

டிசம்பர்-6 புரட்சியாளர் அம்பேத்கர் நினைவு நாள் மற்றும் பாபர் மஸ்ஜித் இடிப்பு தினம் ஆகியவற்றை முன்னிட்டு விடுதலை சிறுத்தைகள் கட்சி சார்பில் தலித் இஸ்லாமியர் எழுச்சி நாள் கருத்தரங்கம் நடைபெற்றது .சென்னையில் உள்ள சர்.பி.டி.தியாகராயர் அரங்கில் நடைபெற்ற இந்த கருதரங்கத்திர்க்கு
திரு.தொல்.திருமாவளவன் தலைமை தாங்கினார் இந்த கருத்தரங்கில் SDPI -ன் மாநில தலைவர் K.K.S.M தெஹ்லான் பாகவி ,மனித உரிமை போராளி
அ.மார்க்ஸ் ,எழுத்தாளர் ஆளுர் ஷாநவாஸ் எழுத்தாளர் மனுஷ்ய புத்திரன் மற்றும் இரா ஜவகர் களந்தை பீர் முகமது ஆகியோர் சிறப்பு விருந்தினராக கலந்து கொண்டு கருத்துரை வழங்கினர் .விடுதலை சிறுத்தைகள் கட்சியின் மாநில போருலாளர் யூசுப் தீர்மானங்கள் வாசித்தார்




1 .பாபர் மசூதி இடித்த இடத்தில் மீண்டும் கட்டித்தரப்படும் என்ற அப்போதைய காங்கிரஸ் பிரதமர் நரசிம்ம ராவின் உறுதிமொழியை காங்கிரஸ் கட்சி உடனடியாக நிறைவேற்ற வேண்டும்


2 லிபரகான் கமிசன் சுட்டிகாட்டியுள்ள ,அத்வானி ,முரளி மனோகர் ஜோசி ,உமாபாரதி உள்ளிட்ட கிரிமினல் குற்றவாளிகள் மீது மத்திய அரசு உடனடியாக நடவடிக்கை எடுக்க வேண்டும்


3 .விசாரணை கைதிகளாக பல ஆண்டுகள் சிறையில் அடைக்கப்பட்டுள்ள முஸ்லிம்களையும் ,10 ஆண்டுகளுக்கு மேல் சிறையில் உள்ள ஆயுள் தண்டனை பெற்ற முஸ்லிம்களையும் உடனடியாக விடுதலை செய்ய வேண்டும் .விசாரணை கைதிகளாக ஆண்டுகணக்கில் சிறைவைக்கப்பட்டு பின்னர் நிரபராதி எனக் கூறி விடுதலை செய்யப்படும் முஸ்லிம் கைதிகளின் மறுவாழ்வுக்கு அரசே முழு பொறுபேற்க வேண்டும்


4 முல்லை பெரியார் பிரச்சனையில் மத்திய அரசு உடனடியாக தலையிட்டு தமிழர்களுக்கு பாதுகாப்பு அளிப்பதோடு ,உச்சநீதிமன்ற தீர்ப்பை நடைமுறைபடுத்த வேண்டும்


5 .ராஜிவ் கொலை வழக்கில் பொய் குற்றம் சாட்டப்பட்டுள்ள சாந்தன் ,முருகன் ,பேரறிவாளன் மற்றும் நாடாளுமன்ற வழக்கில் பொய் குற்றம் சாட்டப்பட்டுள்ள அப்சல் குறு ஆகியோரின் தூக்கு தண்டனையை உடனடியாக ரத்து செய்ய வேண்டும்


6 பால் விலை உயர்வு ,பேருந்து கட்டண உயர்வு ,மின் கட்டண உயர்வு ஆகியவற்றை தமிழக அரசு உடனடியாக திரும்பப் பெற வேண்டும்


உள்ளிட்ட தீர்மானங்கள் நிறைவேற்றப்பட்டன

கெய்ரோ,மார்ச்.3:எகிப்து நாட்டின் பிரதமர் அஹ்மத் ஷஃபீக் தனது பதவியை ராஜினாமாச் செய்துள்ளார். எகிப்தின் ராணுவ உயர்மட்டக் கவுன்சில் வியாழக்கிழமை வெளியிட்ட அறிக்கையில் பிரதமர் ராஜினாமாச் செய்ததாக கூறப்பட்டிருந்தது.

முன்னாள் போக்குவரத்துத்துறை அமைச்சர் இஸ்ஸாம் ஷரஃபிடம் புதிய அமைச்சரவை உருவாக்குமாறு ராணுவ கவுன்சில் கோரியுள்ளதாக அந்த அறிக்கையில் கூறப்பட்டுள்ளது.

ஹுஸ்னி முபாரக் மக்கள் எழுச்சியின் மூலம் பதவியை விட்டு விலகுவதற்கு சில தினங்களுக்கு முன்பாக ஷஃபீக் பிரதமராக நியமிக்கப்பட்டார். ஷஃபீக் முபாரக்கின் நெருங்கிய நபராவார்.

செய்தி:மாத்யமம்